Varra mii lea golgan

“Det blod som spillts” lea kriminála romána maid Åsa Larsson lea čállán ja mii almmuhuvvui 2004. Dal lea Mikael Svonni jorgalan su girjji mii sámegilli lea Varra mii lea golgan. Olggoža govva: Anita Ponga. (359 s.)

”Det blod som spillts”, sámegillii ”Varra mii lea golgan”, lea nubbi girji Åsa Larssona girjeráiddus Rebecka Martinssona birra. Vuosttas girji leai  ”Solstorm” [Beaivvášborga]. Dán girjjis muitaluvvo go báhppa Mildred Nilsson gávdnui gottáhallan Čohkkirasa girkus ihkku ovdal mihcamárruohta. Mildreda bargu dagahii sutnje dávjá riidduid. Son leai nissonlaš aktivista guhte jođihii nissonfierpmádaga ja maid vuođđudusa man ulbmil leai suodjalit návdeciikku mii leai bisánan girku eatnamii olgolis Girona – ja dat suhttadii gili bivdojoavkku. Sus ledje gal duođai ollu vašálaččat.  Maŋŋel dan roaves loahpa Solstorm [Beaivvášborga] girjjis lea Rebecka Martinsson čállojuvvon buohccin su juristabarggus, muhto go su firbmá vulggii virgemátkái Gironii, de son sártnuhuvvui čuovvut mielde. Ja de maŋŋel son bázii dohko ja álggii čuovvut goddinášši ja de geavai nu ahte son šattai njunnálaga olmmošgoddiin.

Haddi: 280 kr. Diŋgojuvvo interneahtas dahje jus diŋgot Norggas dahje Suomas: info@ravda.se. Norgii ja Supmii lea 40 SEK lasáhus poastagoluid ovddas.