Davvisámegiella – sánit ja cealkagat

200 kr

Mikael Svonni: Davvisámegiella – sánit ja cealkagat.Láidehus sámi lingvistihkkii
(268 s.)

SKU: 1001 Category:

Description

Girječálli

Girjji lea Mikael Svonni cállán. Son lea sámigielladieđaprofessor Romssa universitehtas– Norgga arktalašuniversitehtas. Son lea ovdal leamaš sámegiela universitehtalektor ja professor Ubmi universitehtas.

Girjji sisdoallu

Girji Davvisámegiella – sánit ja cealkagat lea láidehus davvisámegiela lingvistihkkii ja lea muhtinlágán ođđaáigasaš grammatihkka.

Dán girjjis čilgejuvvojit davvisámegiela jietnadagat (fonologiija), hámit (morfologiija) ja cealkagat (syntáksa). Dás ii čilgejuvvo visses davvisámi suopman, muhto oažžu lohkat ahte lea soameslágán girjegiella, vaikko gávdnojit gal oasit main suopmanerohusat váldojuvvojit vuhtii. Dán girjjis čielggaduvvo árbevirolaš cealkkaoahppa, muhto dasa lassin gieđahallojuvvo davvisámegiela syntáksa ođđaset teorehtalš lahkonanvuogi vuođul maiddái. Sierra kapihttalis čilgejuvvo syntávssa teorehtalaš duogáš.

Girji lea jurddašuvvon láidehussan sámi lingvistihkkii vuosttamužžan daidda studeanttaide guđet lohket (davvi)sámegiela eatnigiellan universitehtas. Girji sáhttá gal geavahuvvot iežá nai oahpahusas, erenomážit sámegiela oahpaheddjiid oahpahusas ja maiddái gymnása dahje joatkkaskuvlla dásis, ja maiddái rávesolbmuid oahpahusain, ja sáhttá maiddái leat veahkkin lohkkiide guđet beroštit sámigiela giellaoahpas.